لعبة الحوثي: اجلد الحوثي

«اجلد الحوثي» لعبة سعودية مجانية تفشّ فيها خلقك في الحوثي: تجلده بالعقال، ترميه بالنعال، تدعسه بالشاص، وتغرّقه بالميرندا. تشتغل من متصفح جوالك أو كمبيوترك على طول، بدون تحميل ولا تسجيل.

كيف تلعب؟

اختار سلاح من تحت واضربه: اسحب إصبعك عليه بالعقال، اضغط عليه بالنعال والطماطم، أو امسكه بيدك وارمه على الجدار. كل ضربة تجيب لك ريالات تشتري فيها أسلحة أقوى، والحوثي يتحداك بتحديات تجيب لك ريالات زيادة.

الأسلحة

• عقال: اسحب إصبعك عليه بسرعة واجلده جلد
• نعال: النعال الطاير، الله يكرمك. سلاح الأمهات الأول
• يدك: اسحبه وارمه على الجدار، أو اعطه كف
• طماطم: ارمه بطماطم وخله سلطة
• بيض: بيض طازج على وجهه... بس ناقصه خبز
• مسدس: طلقة طلقة... ويطلع القطن
• دلّة: دلّة قهوة حارة. كرم وضرب بنفس الوقت
• طراطيع: طراطيع العيد تطقطق حوله وتحرقه
• شوزن: شوزن صيد... رشّة وحدة تكفي
• صاعق: اضغط عليه وخلّك ضاغط... يشحن كهربا
• قنبلة: شيل المسمار وارمها... وابعد
• رشاش: اضغط وخلّك ضاغط... يصير منخل
• شاص: شاص يفحّط ويدعسه. وين ساهر؟
• صاروخ: آخر الحلول... بووووم
• قات: ربطة قات أغلى من راتبه. ارمها عليه وشف فكّه وين يطير
• سيارة سامي: مدرّعة هيت من سامي، صناعة سعودية. تجي برشاشها وتدعسه دعس
• ميرندا برتقال: علبة ميرندا برتقال عملاقة تغرّق المكان كله. يطفو ويغرق ويشرق، والفوار يطلع من خشمه
• الأباتشي: الجنية السوداء! تطفّي النور وتجي من الظلام، ترش المكان كله بالرشاش وتضربه بالهيلفاير. وأول طلعة تفتح لك ماب الجنية السوداء

الأماكن

تجلده في المجلس، أو تنزّله البيارة اللي ريحتها تكتمه طول الوقت لين يطيح.

تحدي الدقيقة والترتيب

عندك دقيقة وحدة تجمع فيها أكبر عدد نقاط، والكومبو يضاعف نقاطك لين خمس مرات. نتيجتك تنزل في ترتيب اللاعبين، وتقدر ترسل تحديك لاخوياك.

أسئلة

هل لعبة الحوثي مجانية؟

إي، مجانية بالكامل وما فيها مشتريات بفلوس حقيقية. الريالات اللي داخل اللعبة تجمعها من الضرب.

كيف أنزّل لعبة الحوثي على الجوال؟

ما تحتاج تحميل. افتح houthi.ia7dev.com من جوالك، وتقدر تضيفها للشاشة الرئيسية من قائمة المتصفح وتصير مثل التطبيق.

هل تشتغل على الآيفون والأندرويد؟

إي، تشتغل على أي جوال أو كمبيوتر فيه متصفح.

تقدمي راح، وش أسوي؟

إذا كنت تلعب من تيك توك أو انستقرام وفتحتها في متصفح ثاني، ارجع للمكان القديم واضغط «احفظ تقدمك» وخذ الرمز، وحطه في المكان الجديد.